لاہور جون 25 (ٹی این ایس): ملاقات میں 4 گھنٹے میراتھون سیشن میں اراکین صوبائی اسمبلی کے حلقوں کے مسائل، ترقیاتی منصوبوں اور فلاح عامہ پراجیکٹس کے حوالے سے تفصیلی گفتگو۔ وزیراعلیٰ نے اراکین اسمبلی کی جانب سے ان کے حلقوں کے مسائل کے حل کیلئے موقع پر ہی احکامات جاری کئے۔ انھوں نے شہری سہولتوں کو بہتر بنانے کیلئے نیا پروگرام شروع کرنے کا اعلان کیا۔ ان کا کہنا تھا کہ حکومت شہروں میں سیوریج، پینے کے صاف پانی کی فراہمی، صفائی کے نظام میں بہتری اور دیگر سہولتوں کو بہتر بنانے کیلئے اربوں روپے کی لاگت سے نئے پروگرام کا آغاز کر رہی ہے۔ فیصل آباد میں پبلک پرائیویٹ پارٹنرشپ کے تحت سیف سٹی پراجیکٹ شروع کیا جائے گا۔ ماضی میں نمائشی منصوبوں کو شروع کرکے قومی خزانہ لٹایا گیا۔ ہماری حکومت نے ماضی کی غلط روایت کا خاتمہ کیا ہے۔ اراکین اسمبلی کی مشاورت سے علاقے کی ضروریات کو مدنظر رکھ کر فلاح عامہ کے منصوبوں پر کام کر رہے ہیں۔ فیصل آباد ڈویژن کے تعلیمی اداروں میں عدم دستیاب سہولتوں کی فراہمی کیلئے فنڈز مختص کئے گئے ہیں۔ ایجوکیشن اور ہیلتھ فسلیٹز کو خوب سے خوب تر بنائیں گے۔
وزیراعلیٰ کی کمشنر اور ڈپٹی کمشنر کو ہسپتالوں اور تعلیمی اداروں کے دورے کرنے کی ہدایت۔ انتظامی افسران وزٹ کرکے خود صورتحال کا جائزہ لیں اور بہتری کیلئے اقدامات اٹھائیں۔ فیصل آباد ڈویژن میں آب پاک اتھارٹی کے تحت واٹر فلٹریشن پلانٹس لگائے جائیں گے۔ جھنگ کے ریلوے سٹیشن کی تزئین و آرائش کے منصوبے کی منظوری وزارت ریلویز نے دے دی ہے۔ ٹوبہ ٹیک سنگھ میں زرعی یونیورسٹی کے سب کیمپس کو اپ گریڈ کیا جائے گا۔ وزیراعلیٰ کا غیر فعال واٹر سپلائی سکیموں کو بحال کرنے کا اعلان۔ غیر فعال واٹر سپلائی سکیموں کی بحالی کیلئے بجٹ میں فنڈز رکھے گئے ہیں۔ فیصل آباد میں سپیڈو بسیں مہیا کرنے کیلئے فزیبلٹی تیار کرنے کی ہدایت۔ بدعنوان عناصر کو کسی صورت برداشت نہیں کیا جائے گا۔ جس محکمے میں بدعنوان ملازم ہیں، وہاں بلاامتیاز کارروائی کی جائے گی۔ کرپشن کے خلاف ہماری حکومت جہاد کر رہی ہے۔ کرپٹ عناصر کو عہدوں پر نہیں رہنے دیا جائے گا۔ وزیراعلیٰ کا بعض بدعنوان افسران کے خلاف اراکین اسمبلی کی شکایات کا سخت نوٹس۔ کیس اینٹی کرپشن کو بھجوانے کی ہدایت۔ نیا پاکستان۔ منزلیں آسان پروگرام کے تحت دیہی سڑکوں کی تعمیر و مرمت کی جائے گی۔ فیصل آباد ڈویژن بھی اس پروگرام سے مستفید ہوگا۔ ہسپتالوں میں سپیشلسٹ ڈاکٹرو ں کی کمی دور کرنے کا پروگرام بنا لیا ہے۔
پنجاب حکومت نے 2 ہزار ڈاکٹرز کی بھرتی کیلئے اشتہار دے دیا ہے۔ ایڈہاک ڈاکٹرز کو بھی میڈیکو لیگل رپورٹس کے اجراء کی اجازت دینے کی تجویز۔ جو افسر یا ملازم کام نہیں کرے گا، عہدے پر نہیں رہے گا۔ غیر حاضر ملازمین کے خلاف بھی قواعد و ضوابط کے تحت کارروائی کی جائے۔ ماضی کے دور میں تعمیر ہونے والی فیصل آباد ڈجکوٹ روڈ کی ناقص تعمیر کی شکایت کی انکوائری کا حکم۔ جھنگ کے بعض علاقوں کو دریا کے کٹاؤ سے بچانے کیلئے فوری اقدامات کئے جائیں۔ محکمہ آبپاشی کے حکام خود دورہ کرکے صورتحال کا جائزہ لیں۔ صوبائی وزراء چوہدری ظہیرالدین، آشفہ ریاض، حافظ ممتاز احمد، اجمل چیمہ، تیمور خان بھٹی، مہر محمد اسلم، چیف وہپ سید عباس علی شاہ، چیف سیکرٹری، ایڈیشنل چیف سیکرٹری، ایڈیشنل چیف سیکرٹری داخلہ، انسپکٹر جنرل پولیس، چیئرمین منصوبہ بندی و ترقیات، سیکرٹری وزیراعلیٰ، متعلقہ محکموں کے سیکرٹریز، کمشنر فیصل آباد ڈویژن، آر پی او، سی پی او فیصل آباد، ٹوبہ ٹیک سنگھ، فیصل آباد، جھنگ، چنیوٹ اضلاع کے ڈپٹی کمشنرز اور ڈی پی اوز بھی اس موقع پر موجود تھے۔
