ہری پور 03 جنوری 2022 (ٹی این ایس): تھانہ حطار کی حدود کھدو میں جھگڑے و توں تکرار پر اسلحہ آتشیں سے فائرنگ کرکے 1 بھائی کو قتل اور دوسرے بھائی کو زخمی کرنے کا واقع رونما ہوا۔ جس پر مدعیہ کی رپورٹ پر 2 ملزمان کے خلاف زیر دفعات 302/324/34 کے تحت مقدمہ درج رجسٹر ہوا۔ ایس ایچ او تھانہ حطار شفیق الرحمن نے ہمراہ تفتیشی سٹاف و دیگر نفری پولیس کے ڈی ایس پی خانپور جمیل الرحمن کی نگرانی میں مختلف مقامات پر کاروائیوں کے دوران نامزد ملزم فیضان ولد پرویز سکنہ کھدو کو آلہ قتل پستول سمیت گرفتار کرکے مزید تفتیش کے لئے تفتیشی سٹاف کے حوالے کردیا۔ دیگر 1 ملزم کی گرفتاری کے لئے پولیس پارٹیاں مختلف مقامات پر کاروائیاں جاری رکھے ہوئے ہے۔ جلد ہی ملزم کو گرفتار کرلیا جائے گا۔
