راولپنڈی( )ریجنل پولیس آفیسر راولپنڈی ریجن بابر سرفراز الپا نے 34اے ایس آئیز کو سب انسپکٹر کے عہدہ پرترقی کے احکامات جاری کر دیئے۔سب انسپکٹر کے عہدہ پر ترقی کے لیے آر پی او راولپنڈی ریجن کی سربراہی میں چاروں اضلاع کے ضلعی پولیس افسران پر مشتمل خصوصی محکمانہ بورڈ تشکیل دیا گیا تھا جنکی سفارشات اورریکارڈ کی جانچ پڑتال کے بعد اہلکاروں کے بہترین سروس ریکارڈ کو مدنظر رکھتے ہوئے انکی ترقی کے احکامات جاری کیے گئے۔ آر پی او راولپنڈی ریجن بابر سرفراز الپا نے ترقی پانے والے اہلکاروں کو مبارکباد دیتے ہوئے کہا کہ آئی جی پنجاب کے احکامات کے مطابق فورس کی بروقت ترقی کا عمل جاری رہے گا،تمام افسران نے اپنے بہترین سروس ریکارڈ اور کارکردگی کی بناء پراگلے عہدے پر ترقی حاصل کی ہے، آئندہ بھی آپ اس معیار کو ہمیشہ برقرار رکھیں،اب آپ پہلے سے زیادہ محنت اور لگن سے فرائض سر انجا م دیتے ہوئے خدمت کے جذبے سے سرشار ہوکرشہریوں کو انصاف کی فراہمی کو یقینی بنائیں۔
تفصیلات کے مطابق ریجنل پولیس آفیسر راولپنڈی ریجن بابر سرفراز الپانے محکمانہ بورڈ کی سفارشات پر راولپنڈی ریجن کے34 اے ایس آئیز کے سب انسپکٹر کے عہدہ پر ترقی کے احکامات جاری کر دیئے۔سب انسپکٹر کے عہدہ پر ترقی کے لیے خصوصی طور پر محکمانہ بورڈ تشکیل دیا گیا تھابورڈ کی صدارت آر پی او راولپنڈی ریجن بابر سرفراز الپا نے کی جبکہ بورڈ ممبران میں سٹی پولیس آفیسر راولپنڈی سید خالد محمود ہمدانی، ڈی پی اواٹک ڈاکٹرسردار غیاث گل خان، ڈی پی او چکوا ل کیپٹن (ر) واحد محمود اور ڈی پی او جہلم ناصر محمود باجوہ شامل تھے۔بورڈنے تمام اہلکاروں کے بہترین سروس ریکارڈ اور تمام کوائف کو چیک کرنے کے بعد اپنی سفارشات مرتب کیں،ان سفارشات کی بنیاد پر34اے ایس آئیز کو سب انسپکٹر کے عہدہ پر ترقیاب کیا گیا۔اے ایس آئی سے سب انسپکٹر کے عہدہ پر ترقی پانے والوں میں جاوید اختر، سلیم مسیح، آفتاب حسین جعفری، نثار احمد خان، ابرار احمد، خرم سلیم، محمد زبیر، وحید خورشید، محمد عامر شفیق، حسن ریاض، فیصل محمود، پرویز اختر،حسنات محمود، شعیب الدین، محمد عادل علی، محمد رمضان، شاہد محمود، صفدر علی خان، شکیل لعل، محمد رئیس، شمریز محبوب، وقار احمد، شہزاد رسول، محمد ازرم، عامر شہزاد، واجد محمود، طاہر بشیر، محمد تنویر، سرفراز احمد، محمد اشرف، شاہد اقبال، محمد ہارون سعید، نعیم مقصود اورشمریزاسلم شامل ہیں۔ آر پی او راولپنڈی ریجن بابر سرفراز نے ترقی پانے والے اہلکاروں کو مبارکباد دیتے ہوئے کہا کہ آئی جی پنجاب کے احکامات کے مطابق فورس کی بروقت ترقی کا عمل جاری رہے گا،تمام افسران نے اپنے بہترین سروس ریکارڈ اور کارکردگی کی بناء پراگلے عہدے پر ترقی حاصل کی ہے، آئندہ بھی آپ اس معیار کو ہمیشہ برقرار رکھیں،اب آپ پہلے سے زیادہ محنت اور لگن سے فرائض سر انجا م دیتے ہوئے خدمت کے جذبے سے سرشار ہوکرشہریوں کو انصاف کی فراہمی کو یقینی بنائیں۔
