لندن، برطانیہ (ٹی این ایس)– 26 ستمبر 2025 گلوبل اینڈ کامن ویلتھ ایس ایم ای کلب (گیم کلب) برطانیہ ٹریٹ کارپ کے چیئرمین اور جنوبی افریقہ کے اعزازی قونصل جنرل، سید شاہد علی کو کنوینر ایس ایم ای ڈویلپمنٹ پاکستان مقرر کرنے کا اعلان کیا ہے۔ یہ اہم تقرری پاکستان میں چھوٹے اور درمیانے درجے کے کاروباروں (SMEs) کو عالمی ایس ایم ایز کے ساتھ تجارت اور تعاون کے ذریعے مضبوط بنانے کی حکمت عملی کا حصہ ہے۔
اس تقرری کے بعد، سید شاہد علی اپنے وسیع تجربے اور تعلقات کے نیٹ ورک کو استعمال کرتے ہوئے پاکستان میں ایس ایم ای ڈویلپمنٹ کو فروغ دیں گے۔ وہ پاکستان میں صدر (کوآرڈینیشن) مرزا عامر خورشید اور صدر (ایس ایم ای ڈویلپمنٹ) ڈاکٹر توقیر اختر کے ساتھ قریبی تعاون سے ایسے اقدامات کریں گے جو ترقی، جدت اور کاروباری صلاحیتوں کو فروغ دیں۔
ان کی تقرری کا سرٹیفکیٹ مرزا عامر خورشید اور ڈاکٹر توقیر اختر نے جی سی ایس ایم ای کلب برطانیہ کے چیئرمین موبین رفیق کی جانب سے سید شاہد علی کو پیش کیا۔ یہ تقرری کلب کے اس عزم کی عکاسی ہے کہ پاکستان سمیت دنیا بھر میں ایس ایم ایز کو بااختیار بنایا جائے۔
جی سی ایس ایم ای کلب برطانیہ کے چیئرمین موبین رفیق نے اپنے پیغام میں کہا کہ “ہمیں خوشی ہے کہ سید شاہد علی کو کنوینر ایس ایم ای ڈویلپمنٹ پاکستان مقرر کیا گیا ہے۔ ان کی قیادت اور مہارت پاکستان میں ایس ایم ایز کی ترقی اور فروغ میں کلیدی کردار ادا کرے گی۔”
سید شاہد علی نے اس تقرری پر شکریہ ادا کرتے ہوئے کہا، کہ”یہ میرے لیے اعزاز کی بات ہے اور میں بھرپور کوشش کروں گا کہ پاکستان میں ایس ایم ای ڈویلپمنٹ کو فروغ دیا جائے۔ میں ایس ایم ایز، سرکاری اداروں اور دیگر اسٹیک ہولڈرز کے ساتھ مل کر ایسا ماحول بنانے کا خواہاں ہوں جہاں ایس ایم ایز ترقی کر سکیں۔”
جی سی ایس ایم ای کلب برطانیہ پاکستان اور دنیا بھر میں ایس ایم ایز کے فروغ کے لیے پُرعزم ہے، اور یہ تقرری اس سمت میں ایک اہم قدم ہے۔
تصویر کا کیپشن
جی سی ایس ایم ای کلب کی جانب سے مرزا عامر خورشید اور ڈاکٹر توقیر اختر نے ٹریٹ کارپ کے چیئرمین اور جنوبی افریقہ کے اعزازی قونصل جنرل سید شاہد علی کو تقرری کا سرٹیفکیٹ پیش کر ہے ہیں
