راولپنڈی نومبر 3(ٹی این ایس): عوامی مسلم لیگ کے سربراہ شیخ رشید احمد نے کہاہے کہ بڑا بھائی چھوٹے بھائی سے این آراو کی کوشش کررہا ہے لیکن نواز شریف کو اب کوئی این آراو نہیں بچا سکتا۔کینیڈا سے واپسی پر راولپنڈی ایئرپورٹ پر میڈیا سے بات کرتے ہوئے شیخ رشید احمد نے کہا کہ 3 دن کے بعد وطن واپس پہنچا ہوں، طاہر القادری کا شکریہ ادا کرتا ہوں کہ جنہوں نے دورے کی دعوت دی۔ انہوں نے کہا کہ پاکستان میں آئندہ 6 ماہ انتہائی اہم ہیں جبکہ بڑا بھائی چھوٹے بھائی سے این آر او کی کوشش کررہا ہے تاہم میں بتا دوں کہ اب نوازشریف کو کوئی این آراو نہیں بچا سکتا۔شیخ رشید احمد نے کہا کہ شاہد خاقان عباسی کیسا وزیر اعظم ہے جو ایک دن لندن اور دوسرے دن پاکستان میں ہوتا ہے۔
