نیو یارک،نومبر، 09 (ٹی این ایس): پاکستان ایک بار پھر اقوام متحدہ کی سلامتی کونسل کی مستقل نشستوں میں اضافہ کی مخالفت کرتے ہوئے کہا ہے کہ اس سے جمہوری اصولوں اور شفافیت کی نفی ہوگی۔
پاکستان کی مستقل مندوبہ ملیحہ لودھی نے سلامتی کونسل سے خطاب کرتے ہوئے کہا کہ عالمی امن و سلامتی کو سنگین خطرات لاحق ہیں۔انہوں نے کہاکہ مستقل ارکان میں اضافہ سے سلامتی کونسل کی کارکردگی متاثر ہوگی اس کے برعکس سلامتی کونسل کے غیر مستقل ممبران میں اضافے کی ضرورت ہے، مستقل رکنیت مانگنے والے اپنے لئے امتیازی سلوک اور غیر مساوی حیثیت چاہتے ہیں۔
