لاہور ،دسمبر 06(ٹی این ایس):ایف آئی اے سائبر کرائم نے وفاقی وزیرداخلہ احسن اقبال کو قتل کرنے پر 10لاکھ روپے کے انعام کی ویڈیو سوشل میڈیا پر اپ لوڈ کرنے والے شہری کا پتہ لگا لیا ہے اور اس کے خلاف ایف آئی اے میں مقدمہ درج کر لیا ہے اور اس حوالے سے مذکورہ کی فیملی کے تمام کوائف بھی جمع کر لئے ہیں ۔میڈیا تفصیلات کے مطابق چند روز قبل ایک ویڈیو جاری کی گئی تھی جس میں وزیرداخلہ احسن اقبال کو قتل کرنے کی دھمکی دی گئی ہے۔ اور ویڈیو جرمنی سے اپ لوڈ کی گئی تھی اور ویڈیو جاری کرنے والے کا نام محمد اکرم ہے اور جس کا تعلق پاکستان کے شہر گوجرانوالہ سے ہے تاہم تحقیقات مکمل کر کے مقدمہ درج کر لیا گیا ہے ۔
