نیویارک مارچ 13(ٹی این ایس)امریکی شہر نیویارک میں ایک ہیلی کاپٹر گِر کر تباہ ہو گیا ہے جس پر پائلٹ سمیت چھ افراد سوار تھے۔غیرملکی خبررساں ادارے کے مطابق پولیس نے بتایا کہ یہ ہیلی کاپٹر نیویارک کے مشرق میں واقع دریا میں گِر کر تباہ ہوا جس کی وجہ سے پانچوں مسافر ہلاک ہو گئے جبکہ پائلٹ بچ نکلنے میں کامیاب رہا۔ نیویارک سٹی کے ترجمان کے مطابق دو افراد موقع پر ہی ہلاک ہو گئے جبکہ دیگر کو اسپتال پہنچایا گیا مگر وہ جانبر نہ ہو سکے۔پولیس کے مطابق پائلٹ اس ہیلی کاپٹر سے نکلنے میں کامیاب رہا جسے امدادی کارکنوں نے بچا لیا اور اس کی حالت بہتر ہے۔
