نوازشریف قوم کو یہ بتائیں کہ ان کو میرے کون سے بیان پردکھ ہوا ٗ چوہدری نثار علی خان 

 
0
315

نوازشریف کو اپنے دکھ کا تو فوری احساس ہو جاتا ہے لیکن جو دکھ وہ اوروں کو پہنچاتے ہیں اسکا انہیں احساس نہیں ہوتا ٗ نواز شریف کو اس بات سے دکھ کیوں نہیں پہنچا کہ پچھلے چھ مہینوں سے انکے پیادے جو کہ جاتی عمرہ میں رہتے ہیں اور کھاتے پیتے ہیں وہ میرے بارے میں لغو، بے بنیاد، جھوٹا اور تضحیک آمیز پراپیگنڈہ کرتے رہے ہیں ٗ سابق وزیر اعظم میاں نواز شریف کے بیان پر چوہدری نثار علی خان کا ردعمل
اسلام آباد02جولائی (ٹی این ایس)سابق وزیر داخلہ چوہدری نثار علی خان نے کہاہے کہ میاں نوازشریف قوم کو یہ بتائیں کہ ان کو میرے کون سے بیان پردکھ ہوا ٗ نوازشریف کو اپنے دکھ کا تو فوری احساس ہو جاتا ہے لیکن جو دکھ وہ اوروں کو پہنچاتے ہیں اسکا انہیں احساس نہیں ہوتا ٗ نواز شریف کو اس بات سے دکھ کیوں نہیں پہنچا کہ پچھلے چھ مہینوں سے انکے پیادے جو کہ جاتی عمرہ میں رہتے ہیں اور کھاتے پیتے ہیں وہ میرے بارے میں لغو، بے بنیاد، جھوٹا اور تضحیک آمیز پراپیگنڈہ کرتے رہے ہیں۔ پیر کو سابق وزیر اعظم محمد نوازشریف کے بیان پر رد عمل کا اظہار کرتے ہوئے چوہدری نثار علی خان نے کہا کہ میاں نواز شریف قوم کو یہ تو بتائیں کہ ان کو میرے کون سے بیان پر دکھ ہوا۔ انہیں اپنے دکھ کا تو فوری احساس ہو جاتا ہے لیکن جو دکھ وہ اوروں کو پہنچاتے ہیں اسکا انہیں احساس نہیں ہوتا۔ چوہدری نثار علی خان نے کہا کہ اگر میرے اس بیان سے انکو دکھ ہوا ہے کہ عدلیہ اور فوج سے محاذ آرائی نہ کی جائے تو یہی بات انکے بھائی میاں شہباز شریف بھی کہتے ہیں اور اب بھی کہہ رہے ہیں۔ پارٹی کے سینئر ارکان بھی یہی کہتے ہیں ٗ اس سے تو ان کو دکھ نہیں ہوا۔ نوازشریف نے کہاکہ میاں نواز شریف کو اس بات سے دکھ کیوں نہیں پہنچا کہ پچھلے چھ مہینوں سے انکے پیادے جو کہ جاتی عمرہ میں رہتے ہیں اور کھاتے پیتے ہیں وہ میرے بارے میں لغو، بے بنیاد، جھوٹا اور تضحیک آمیز پراپیگنڈہ کرتے رہے ہیں۔ لگتا یوں ہے کہ میاں صاحب کو اس بات کاقطعاً احساس نہیں کہ ان کی بہت سی باتوں سے شاید کسی اور کو دکھ پہنچا ہو۔